^

Zero transmission tinguha

Rowena Capistrano (Banat) - November 4, 2020 - 12:00am

CEBU, Philippines — Human nakasuway og usa lang ka bag-ong kaso sa novel coronavirus disease, gitinguha sa Dakbayan sa Sugbo nga makab-ot ang zero transmission.

Gitug-an ni Konsehal Joel Garganera, Chief Implementer sa Emergency Operation Center nga nahinabi sa mga tigbalita.

Matud pa ni Garganera, dunay insentibo ang barangay nga makahimo niini.  Sumala pa ni Garganera, aron makab-ot ang maong tinguha kinahanglan isulod gayud sa katawhan sa alimpatakan nga dili mokompyansa sa mga basic health protocol. Gustuhon man sa mga tawo o dili, naa pa gihapon ang Covid-19 hangtod pa sa umaabot nga tuig maong nagpabilin ang peligro.

Matud niya, gamay kaayo nga kadaugan kining pagkubos sa gidaghanon sa mga natakboyan apan padayon pa ang gubat batok sa maong sakit. Malaumon hinuon siya nga saulogon sa katawhan ang Pasko sa new normal nga mga pamaagi diin simple nga panagtapok-tapok uban sa pamilya ug magpasalamat sa Kahitas-an.

Sa datos sa DOH-7, ang Cebu City dunay 10,267 total cases sa COVID-19 ug naa sa 150 ang active cases.  Lima sab ang additional reported recoveries sa siyudad nga sa karon duna nay 9,439 total recoveries ug nagpabilin sa 678 ang deaths.  Samtang mas malipayon ang Mandaue City human walay natala nga bag-ong kaso sa COVID-19 ang Mandaue. Naa sa 2,561 ang total cases sa siyudad diin 72 ang active cases. Ang recoveries sa Mandaue City naa sa 2,328 ug 161 ang deaths. Tulo sab ka bag-ong kaso sa COVID-19 ang natala sa Lapu-Lapu City. Ang siyudad dunay 2,466 total cases sa virus diin 120 niini ang active cases. Naa sab sa 2,242 ang recoveries ug 104 deaths ang dakbayan. Sa datos sa DOH-7 ang Central Visayas dunay 22,514 total cases sa COVID-19 diin 1,022 niini active cases, 20,150 recoveries ug 1,342 deaths. Decemay P. Padilla/IBM (BANATNEWS)

COVID-19
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with