CEBU, Philippines — Gipangandaman sa Lapu-Lapu City Social Welfare and Development Office CSWDO ang posibleng epekto sa bagyong Rolly nga misulod na sa nasud.
Suma pa ni Annabeth Cuizon pangu sa maong buhatan nga andam na sila karon maana man ang bagyo o wala.
Lakip sa ilang gi-andam mao ang food packs alang sa mga molopyo sa Caubian ingon man sa Olango Island nga maglisud sa pagtabok panahon nga dunay kusog nga hangin og balud.
Sa Caubian adunay silay gi-preparar alang sa 800 ka mga residente nga nanimuyo sa maong lugar, 10mil ka food packs ang gi-andam usab alang sa Olango diin mao kini ang ilang priority tungod kay maglisod kini sila ug labang sa mainland.
Gitug-an ni Cuizon, aduna silay mga bodega nga temporaryo nilang kabutangan sa maong mga hinabang. /MEL (BANATNEWS)