12 ka opisyal sa PhilHealth, tambalanan gikiha
Matud pa Atty. Renan Augustus Oliva, Regional Director sa NBI-7 base sa ilang imbestigasyon walo ka mga opisyales ug kawani sa Philhealth-CV ug upat ka opisyal ug kawani sa usa ka pribadong tambalanan ang pasakaan nila og patong-patong nga kaso.
STAR/File
12 ka opisyal sa PhilHealth, tambalanan gikiha
Le Phyllis F. Antojado (Banat) - October 30, 2020 - 12:00am

CEBU, Philippines — Walo ka opisyal ug kawani sa PhilHealth Central Visayas ug upat ka mga kawani sa pribadong tambalanan ang gipasakaan og kaso sa National Bureau of Investigation 7 diha sa Ombudsman Visayas  tungod sa giingong kwestyonableng claims gikan sa PhilHealth may kalabutan sa Covid-19 cases.

Matud pa Atty. Renan Augustus Oliva, Regional Director sa NBI-7 base sa ilang imbestigasyon walo ka mga opisyales ug kawani sa Philhealth-CV ug upat ka opisyal ug kawani sa usa ka pribadong tambalanan ang pasakaan nila og patong-patong nga kaso.

Sumala pa ni Oliva pasiuna palang kini nga mga tawong kasohan ug posible pang mapun-an base sa dagan sa imbestigasyon sa ilang usa ka reklamante.

Ang gipasaka sa NBI-7 sa buhatan sa Ombudsman naglakip sa kalapasan sa Republic Act 3019 or Anti- Graft and Corrupt Practices Act, Code of Conduct and Ethical Standards of Public Officials and Malversation of Public Funds.

Kadtong mga sakop sa Philhealth magatubang og kasong administratiba tungod sa paglapas sa revised administrative code for dishonesty, neglect of duty and misconduct and incompetence in the performance and inefficiency of official duties and conduct prejudicial to the best interest of the service.

Sumala pang Oliva adunay pasyente nga ang kaso gikonsiderar lang nga ordinary pneumonia apan gihimo nga Covid-19.

Matud pa sayod man unta sila nga daghang mga tawo ang mahimong mo-review sa claims apan nataligam-an ang importanteng dokumento nga mao ang RT-PCR (swab) test nga maoy modeterminar kung ang pasyente nagka Covid-19 o wala.

Dugang pa ni Oliva duna silay mga nakitang mga kaso nga giingong Covid-19 case apan dili diay.

Ang PhilHealth Central Visayas sa ilang bahin nitug-an nga wala pa sila nakadawat ug official nga copy sa kaso nga gipasaka sa NBI-Central Visayas.

Apan ilang giklaro nga sa pagsugod pa lang nikooperar na sila sa imbestigasyon sama sa paghatag sa kopya sa claim documents ug pagtugot nga maka access sa ilang warehouse aron makuha ang kinahanglang mga dokumento.

"Officers and employees in the regional offices of PhilHealth abide by the guidelines in processing claim documents per published circulars of the Corporation and per interim guidelines of the Philippine Society for Microbiology and Infectious Diseases on the clinical management of patients with probable or confirmed COVID-19 infection, and by existing government accounting and auditing rules on releasing payments," dugang sa PhilHealth-7.

Ang tambalanan usab kansang mga empleyado ug opisyal naapil sa gikasohan nagkanayon wala pa usab nila madawat ang kopya sa complaint sa NBI ug mopagawas sila og statement sa igong oras human nila madawat ang kopya. — Rowena D. Capistrano/IB (BANATNEWS)

PHILHEALTH
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with