Health workers sa pribadong hospital makadawat og incentive
CEBU, Philippines — Si Mayor Edgardo Labella sa Dakbayan sa Sugbo nipahibawo nga gamay na lang nga panahon ang paaboton sa health workers sa mga pribadong tambalanan aron hingpit na nga madawat nila ang ilang cash incentives.
Kagahapon si Labella nagkanayon nga naabot na sa sa accounting office ang listahan health workers.
Nasayran nga P10,000 matag buwan ang incentive ug hatagan sila og balig tulo ka bulan.
Ang mga medical worker nga makadawat og incentive langkuban sa doktor, nurse, medical technologist, ug uban pang trabahante sa tambalanan kinsa nadestino sa pakigbatok sa COVID-19.
Nikabat ngadto sa 2,000 ang nalakip sa listahan sa mga makabenipisyo sa maong incentive.
Ang siyudad nipaniguro og han-ay sa mga guideline ug mga dokumento aron dili sila makwestiyon sa Commission on Audit (COA). Dugang ni Labella nga nilungtad og taas nga panahon ang pagproseso niini tungod kay gipaneguro nila nga dili sila makwestiyon.
Ang maong pagpanghatag og incentive sa mga medical workers sa mga pribadong tambalanan ang labing unang higayon nga gihimo sa siyudad. /BDB (BANATNEWS)
- Latest
