Pito ka bagyo gipaabot sa pag-asa nga mosulod ning tuiga
CEBU, Philippines — Dili mominos sa pito pa ka mga bagyo ang gipaabot nga mosulod sa nasud sa dili pa motapos ang tuig 2020.
Kini ang gitug-an ni Engr. Al Quiblat, ang pangulo sa Philippine Atmospheric, Geophysical and Astronomical Services Administration PAGASA nga nahinabi sa Banat News.
Matud pa ni Quiblat, aduna pay dili mominos lima ngadto sa pito ka mga bagyo ang ilang gipaabot nga mosulod sa Philippine Area of Responsibility kun PAR sa dili pa matapos ning tuiga.
Hinoon wala nay kahigayonan nga aduna pay bagyo nga mosulod karong buwan sa Septiyembre.
Dugang pa ni Quiblat, kasagaran sa kusog nga bagyo ari sa last quarter sa tuig, hinungdan giawhag niya ang katawhan nga kanunay magpakisayod sa PAGASA ilabi na sa LOCAL TSTM ug Heavy Rainfall advisory nga luwatan sa ilang buhatan.
Samtang adunay duha ka low pressure area ang gibantayan karon sa PAG-ASA, ang una nasigpatan sa gilay-on nga 490 kilometers silangang bahin sa Basco Batanes ug ang ikaduhang LPA naa sa silangang bahin sa Mindanao sa gilayon-on nga 770 kilometers silangang bahin sa Hinatuan Surigao del Sur. Hinoon way posibilidad nga mahimong bagyo ang maong duha ka LPA. /MEL (BANATNEWS)
- Latest