COVID-19 update padayong nagkagamay ang nataptan
Cebu, Philippines — Moabot sa 149 ka bag-ong kaso sa novel coronavirus disease ang natala sa Central Visayas niadtong Agosto 12 ug sa gihapon gamay ra gihapon ang mga bag-ong natala sa Cebu City nga niadto lang bulan sa Hunyo gibansagang “epicenter” sa COVID-19.
Sa datus nga gipagawas sa Department of Health (DOH-7) 39 sa mga bag-ong kaso gikan sa Cebu City, samtang 18 sa Mandaue,14 sa Lapu-Lapu, 55 sa Probinsya sa Sugbo, pito sa Talisay, upat sa Minglanilla , walo sa Consolacion ug upat sa Bohol.
Sa kinatibuk-an, miabot na og 4, 308 ang active cases gikan sa 17, 518 nga kaso sa rehiyon. Ang 1, 258 niini ang na-admit sa tambalanan ug 3, 050 ang naa sa mga isolation facilities.
Mas daghan hinoon ang natala nga recoveries niadtong adlawa, moabot kini sa 258 hinungdan nga anaa na sa 12, 196 ang gidaghanon sa mga nangaayo sa Central Visayas. (BANAT NEWS)
- Latest
