Mga hospital nangayo og mga doktor
CEBU, Philippines — Nihangyo og mga doktor ang 15 ka hospital sa Sugbo.
Kini ang gitug-an sa tigpamaba sa Department of Health 7 nga si Dr. Mary Jean Loreche.
Matud ni Loreche nga gipaabot pa nila karon ang pipila ka tambalanan nga mohangyo sab og mga doktor human ang mga Doctor To The Barrio ang ipanghimutang.
Sumala pa ni Loreche nga ang pagpahimutang sa mga DTTB sa mga pribado nga tambalanan base kini sa ilang gipangayo nga augmentation.
Giklaro hinoon ni Loreche nga ang pagbutang sa mga DTTB sa mga tambalanan dili kini magpasabot nga mawagtangan na og doktor ang kalungsuran.
Dili usab pinugsanay ang pagkuha sa mga DTTB ilabi na kung dili sila mobiya sa ilang kasamtangan nga nahimutangan.
Gitug-an ni Loreche nga gipangandaman na usab sa DOH ang mga panginahanglanon sa mga doktor sama sa ilang kapuy-an, transportasyon, ug uban pa samtang nakadestino kini sa Dakbayan sa Sugbo. /GMR (BANATNEWS)
- Latest
