Tuyo ni Gobernador Gwendolyn Garcia nga makalikay nga makuha na hinoon sa pasyente ang COVID-19 kun ibiyahe padulong Dakbayan sa Sugbo.
Boy Santos/File
Pasyente sa probinsiya di una ipada sa siyudad
Le Phyllis F. Antojado (Banat) - May 25, 2020 - 12:00am

CEBU, Philippines — Giawhag ni Gobernador Gwendolyn Garcia ang mga doctor sa provincial ug district hospitals sa Lalawigan sa Sugbo nga likayan lang una ang pagpadala sa mga pasyente sa mga tambalanan sa Dakbayan sa Sugbo.

Kini ilabi na ang mga minor nga kaso nga manageable ra sa provincial ug district hospitals.

Tuyo ni Garcia nga makalikay nga makuha na hinoon sa pasyente ang Covid-19 kun ibiyahe padulong Dakbayan sa Sugbo.

Apil kini sa gituki ni Garcia uban ang mga doktor sa Cebu Provincial Hospital-Bogo City diin nahisgutan usab ang pagsaka sa mga Covid-19 nga pasyente nga na-admit sa hospital sa Dakbayan sa Sugbo nga gikan sa probinsiya.

Apil sa gikwenta nga kaso mao ang Covid-19 patients nga taga Carmen ug Madridejos.

Ang taga Madridejos bag-ong nanganak sa Vicente Sotto Memorial Medical Center (VSMMC) nga positibo sa Covid-19 samtang kadtong taga Carmen mao ang lakaki nga nadisgrasya nga namatay.

Didto kini gi-refer sa VSMMC diin gikuhaan og swab ug nasayran nga positibo sa Covid-19.

“Ang referral kay kadtong di nato makaya. Ang kaluy-an nako ang pobre dad-on diri (Cebu City) unya magka-Covid, three times ang bayranan,” matud ni Garcia.

Aron malikayan ang posibilidad nga adto sa mga tambalanan sa Dakbayan sa Sugbo matakdan sa Covid-19, si Garcia nagkanayon sa mga doctor nga mas maayo nga himoon ang minor operations sa mga tambalanan nga gidumala sa Probinsiya sa Sugbo. /GMR (BANATNEWS)

PASYENTE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with