Kap. Monares nihimakak nga siya ang gidakop
Decemay P. Padilla (Banat) - March 25, 2020 - 12:00am

CEBU, Philippines — Giklaro ni Kalunasan Barangay Kapitan Nunilon Monares nga wala siya gidakop sukwahi sa nanggawas nga balita nga matud pa gidakop siya gumikan sa paglapas sa liquor ban ug curfew.

Nag-viral ang video ni Monares nga giingong dunay gitawagan sa cellphone nga giingong usa ka “major” ug kini nagpatabang dihang arestohon sa mga polis nga nagpatrolya.

Nakita sab sa maong video nga dunay usa ka kahon nga ilimnong makahubog sa gawas sa panimalay diin makonsiderar nga pangpublikong lugar.

Si Monares niasoy nga sa wala pa ang maong hitabo gikan siya sa OPPRA nanghatag og hinabang sa mga nasunogan ug human nideretso siya sa balay sa iyang amiga sa Barangay Kamputhaw kinsa nagsaulog sa birthday.

Si Monares niingon nga samtang nanihapon, dunay niduol kaniya nga nangayo og tabang kay may gidakop sa gawas sa ilang gate ug isip public servant gihangyo niya ang nagdakop nga tanod nga dili lang madala sa Police Station 2. Matud sa kapitan nga wala siya’y dautang tumong ug gitarong niya og hangyo ang tanod ingon man ang polis nga kuyog.

Mahitungod sa video nga nakita nga naa siya’y gitawagan nga “major”, si Monares nitataw nga nangayo siya og tambag kun unsay angayan buhaton diin ang gitambag sa iya mao nga balaud kini apan suwayan lang og hangyo kay naa ra sa tugkaran.

“Nahibulong lang ko nganong gibutang man akoy nadakpan, karon gani gidala nako ang gidakop. Wala gyud ko madakpi, wala sad ko mag-inom, nganong mag-inom ko gikan ko naghatag sa nasunogan, di ko ganahan magbasa ko sa gisulti sa media ang ako ayaw lang kargahi, gidaut pa nila ang mayor nga ako tawo ko sa mayor, tinud-anay line-up ko sa mayor wala ko magkuan sa mayor nga madaut ang mayor di lang nato sakyan ang pamolitika nga pamaagi, ang ato lang tug-an lang ta sa tinuod,” sigun ni Monares.

Samtang si Cebu City Mayor Edgardo Labella nimando kang City Attorney Rey Gealon sa pagpadayon sa imbestigasyon dungan sa pagbutyag nga ang mga opisyal angayan nga mahimong modelo sa pagpatuman sa balaud.

Wala na mohatag og komento ang mayor kun duna bay tulubagon ang kapitan sanglit duna namay imbestigasyon nga gihimo. /GMR (BANATNEWS)

MONARES
Philstar
  • Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with