Awol nga Polis nangilkil
Sheriza Mae Uy (Banat) - January 25, 2020 - 12:00am

CEBU, Philippines — Gidakop ang usa ka polis nga nag-AWOL (absence without official leave) nga polis pinaagi sa entrapment operation human kini gireklamo og pagpangilkil sa Regional Intelligence Division (RID7) sa Police Regional Office 7 sa Barangay Bangkal Dakbayan sa Lapu- Lapu.

Giila ang dinakpan nga si Police Corporal Carlito Donque nga nagpuyo sa maong lugar. Matud  ni Police Brigadier General Domingo Cabillan Deputy Regional Director for Administration sa PRO7 nga nakadawat sila og reklamo nga nangilkil sa mga aplikante sa pagkapolis kining usa ka nagpailang polis nga taga lungsod sa Barili.

Dugang pa ni Cabillan nga P40 mil kada aplikante ang pangayo niini bugti sa pasalig nga makasud gyud sila sa pagkapolis. Matud pa pito ka aplikante ang nabiktima ni Donque.

Sumala pa nga P10 mil ang pasiunang bayad para kuno pagproseso sa mga papeles ug ang balanse nga P30 mil anha na paninglon kun makapanumpa na sila pagkapolis.

“Ang pasalig niya na mangayo siya’g kwarta para makapasar siya (aplikante) the fact nga daghan ang mag apply, murag assurance niya na makapag take oath ang atong police applicant,” matud pa ni Cabillan.

Giingong dili lang usa ang nabiktima ni Donque sanglit aduna usab kini nakuhaan og P10,000 nga ka batch ra usab sa reklamante nga gipakuhaan na usab og pinanumpaang pamahayag.

Giangkon usab matud pa sa kanhi police nga pito ka mga aplikante ang iyang gihaylo pinaagi sa messenger sa Facebook apan wala pa matino kung kini nakabayad ba usab.

Nagpaila siya nga Police Lieutenant ug mahimo siya nga makapasulod sa serbisyo tungod kay aduna siyay access sa PRO-7 gamit ang iyang pangalan.

Moabot ngadto sa 250 ang quota karon sa Police Regional Office 7 ug naapil niini kadtong duha ka aplikanteng nadawat na ug gitakdang ma numpa na sa sunod semana.

Nadestino kaniadto si Donque sa PNP Aviation Security Group-7 apan niadtong Hulyo 2017 aduna matud pa kini gidakop nga usa ka babaye nga negosyante sulod sa airport sa Mactan kay adunay nakita nga bala sa bagahe niini. Giareglo matud pa ni Donque ang babaye aron dili mapasakaan og kaso bugti sa dakong kantidad. Apan ang maong babaye higala diay sa usa ka opisyal sa dakbayan sa Davao hinungdan nga gipaubos siya sa imbestigasyon.

Gipa report siya sa buhatan sa Aviation Security Group -7 apan wala na kini mobalik sa trabaho. Pagka- Oktubre 2018 gitaktak na siya sa serbisyo tungod sa kasong absence without official leave kun Awol. Nasulod siya sa serbisyo niadtong 2007. –/IBM (BANAT NEWS)

AWOL POLIS
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with