P9 milyong shabu nadakpan
CEBU, Philippines — Kapin sa P9 milyones nga balor sa illegal nga drugas ang nasakmit sa gipahigayon nga buybust operation sa City Drug Enforcement Unit sa Mandaue City Police Office pinangulohan ni Police Lieutenant Colonel Rudolf Oriol alas 12:45 Sabado sa kaadlawon diha sa Putok Chicos ,Barangay Tawason, Syudad sa Mandaue.
Ang mga dinakpan mao sila si Jerson Soriano Collamat, 22, taga Sitio Silangan I, Barangay Tinago, Syudad sa Sugbo nga gikonsiderar nga regional level High Value Target (HVT).
Siya mao target sa operasyon ug lakip sa nadakpan mao iyang kauban nga si Pablito Osabel Laglario, 31, taga Barangay Lorega sa Siyudad sa Sugbo.
Nakuha gikan sa duha ang kapin sa 1.4 kilo nga gidudahang shabu nga mobalor kapin sa P9 milyones.
Ang mga dinakpan anaa gibalhog sa Mandaue City Police Office pasakaan og kasong kalapasan sa Republic Act 9165. /IBM (BANATNEWS)
- Latest