Paglusad sa 500 Days Countdown malampuson
Romeo T. Limpangog (Banat) - December 16, 2019 - 12:00am

CEBU, Philippines — Giisip nga malampuson ug mabulokon ang gipahigayon nga paglusad sa 500 Days Countdown sa Quincentennial celebrartion sa Abril 27, 2021. Gihimo ang dungan nga paglusad lukop nasud pinaagi sa tulo ka dapit sa Dakbayan sa Manila, Dakbayan sa Davao ug Dakbayan sa Lapu-Lapu nga maoy nagsilbing sentro sa maong selebrasyon sanglit nahitabo man ang Kadaugan sa Mactan niadtong Abril 27, 1521.

Nakighiusa sa maong paglusad sa 500-Days Countdown alang sa Quincentennial celebration ang National Quincentennial Committee uban sa tulo ka lokal nga kagamhanan sa Manila, Davao City, ug Lapu-Lapu City.

Maoy gihatagan og kamahinungdanon sa maong kalihukan nga gipahigayon lukop nasud mao ang historic landmark lighting o gitawag og multi-media cultural show uban sa mga mensahe nila ni Manila City Administrator Felixberto Espiritu, Davao City Vice Mayor Sebastian Duterte, ug Lapu-Lapu City Mayor Junard Chan.

Nitambong sa maong kalihukan nga gipahigayon sa Hoopsdome sa Dakbayan sa Lapu-Lapu sila si National Historical Commission of the Philippines (NHCP) Chair Dr. Rene R. Escalante, Department of Tourism Secretary Bernadette Romulo-Puyat, ug Presidential Communications Operations Office Assistant Secretary Ramon Cualoping III ug daghan pa.

Sa wala magsugod ang mga pasundayag sa Hoopsdome maoy unang gihimo ang paghangop sa mga Oponganon sa paghidangat sa replica nga bangka nga gitawag og Balangay gikan sa Dakbayan sa Butuan.

Nidunggo kini sa baybayon sa Liberty Shrine sa Barangay Mactan sa Dakbayan sa Lapu-Lapu nga giluwanan sa Raya Kolambu (King of Mazzaua) ug ingon man sa Raya Siyagu (King of Butuan) kinsa nakighiusa sa pagtambong sa paglusad sa 500-Day Countdown.

Mga lumad nga sayaw ug mga kanta ang gipasundayag atol sa kalihukan sa pagpakita sa kultura sa katawhang Pilipinhon sa wala pa ang panahon sa mga Katsila nga maoy naglingaw sa katawhang Oponganon nga nisaksi. /GMR (BANATNEWS)

DAYS COUNTDOWN
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with