DOH: Dili palabi og kaon aron malikay sa sakit

CEBU, Philippines – Si Dr. Van Phillip Baton sa Department of Health (DOH)-7 nipahimangno sa publiko nga niining pagsaulog sa Pasko ug Bag-ong tuig diin daghang mga party dili magpalabi og kaon aron dili maproblema sa panglawas

Gawas nga dili mopalabi og pagkaon, si Baton niawhag usab sa publiko nga dili magpalabi og inom og ilimnong makahubog ug kadtong mo maneho og sakyanan dili lang mo inom aron malikayan ang disgrasya.

Awhag usab ni Baton sa katawhan nga kanunay’ng maglihok ug kong pwede ra malakaw ang adtuonon mas maayo nga maglakaw tungod kay makatabang kini pagpahilis sa mga gikaon ingon man sa pag-ubos sa timbang.

Ug kon moadto usab og lugar nga daghang tawo sama sa mall o parties molikay sa   mga adunay gipamati sa lawas ug kong adunay gipamati sa lawas maayong dili na lang motambong og mga parties aron dili makatakod ngadto sa ubang mga tawo.

Dili usab kalimtan ang paghugas sa kamot sa dili pa makaon ug inig human og kaon ug ang mga nasobrang pagkaon ibutang kini diha sa saktong butanganan ug dili painitan aron dili kini mapan-os og ma-contaminate. /BDB (BANAT NEWS)