Si Police Major Ronald Allan Tolosa, deputy regional director sa CIDG-7 ug Police Major Edwin Lacostales hepe sa CIDG sa Dakbayan sa Mandaue ang nipresentar kagahapon sa mga armas nga ilang nakompiska gikan sa usa ka suspetsadong gun runner sa Dakbayan sa Danao.
Hulagway kuha ni Romeo Marantal
Gunrunner na-entrap sa CIDG-7
Sheriza Mae Uy (Banat) - November 15, 2019 - 12:00am

CEBU, Philippines – Usa ka gipasanginlang gun runner ang nadakpan sa entrapment operation sa Criminal Investigation and Detection Group (CIDG7)sa  Dakbayan sa Danao.

Giila ang dinakpan nga si Renato Ramoneda Jr. taga Barangay Suba Dakbayan sa Danao nga giingong sakop sa mga sindikato nga mamaligya’g paltik nga armas sa Pobinsya sa Sugbo.

Matud ni CIDG 7 Deputy Chief Police Major Major Ronald Allan Tolosa Deputy Regional Chief sa CIDG-7 si Ramoneda ilang gipalitan og mga armas nga mokabat P108,000 hinungdan sa pagkasikop niini.

Apan nsi Ramoneda miingon nga igo ra siyang nangomisyon og tag P500 kada usa sa mahalin nga pusil.

Nakontak siya sa polis pinaagi sa text ug miorder kaniya og daghang armas mao nga nangita siya og tighimo nga maka-supply niini didto sa Danao.     Wala siya magdahom nga polis diay ang iyang katransaksyon nga maoy mo palit sa armas.

Nakuha kang Ramoneda ang duha ka KG9 machine pistols, unom ka kalibre 45 ug upat ka .9mm pistols.

Giangkon usab ni Ramoneda nga nadakpan na siya kaniadtong tuig 2013 sa susamang kaso apan nakapiyansa siya. Tungod sa kawad-on, nakadesisyon siyang mobalik pagpamaligya og armas.

“Niundang nako ani kay nadakpan nako sauna ba karon lang ning higayona na kuan ko kay tungod sa wala lagi maayong pang kwarta didto nangumisyon lang ko ani, tag 500 ang usa, buy bust man diay ni,” matud pa ni Ramoneda.

Si Talosa miingon nga ilang subayon kun kinsa pa ang mga nabaligyaan ni Ramoneda nga posibleng gigamit na paghimo og krimen.(/IBM)(BANAT NEWS)

 

 

CIDG-7
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with