Cebu, Philippines — Gihangyo sa konseho sa Dakbayan sa Sugbo ang Business Permit and Licensing Office (BPLO), Cebu City Transportation Office (CCTO) ug Office of the Mayor nga i-monitor ug ipatuman ang Cebu City Ordinance No. 2089 series of 2006.
Kini human nabantayi nga nagkadaghan na ang gidaghanon sa off-street pay parking ug ang uban niini wala ma-monitor ang bayad.
Base sa resolusyon nga gipalabang sa konseho nga ang mga off-street pay parking nga lugar sa siyudad i-regulate kini subay sa ordinansa.
Si Konsehal Raul Alcoseba kinsa nangamahan sa resolusyon kalabot sa maong hangyo ang nagtinguha nga mapalig-on ug maimplementar ang kasamtangang ordinansa. Ang BPLO ug CCTO mopahigayon una kini og imbentaryo sa mga off-street pay parking operator ug mogama kini og aksiyon batok sa mga nakalapas. BDB ( BANAT NEWS)