BFAR: Fishkill sa SRP tungod sa kainit sa panahon
Decemay P. Padilla (Banat) - October 8, 2019 - 12:00am

CEBU, Philippines — Gikompirmar sa Regional Director sa Bureau of Fisheries and Aquatic Resources (BFAR)-7 Alfeo Piloton nga fish kill gyud ang nahitabo diha sa Pond A sa South Road Properties(SRP) sa Dakbayan sa Sugbo.

Sigon ni Piloton, nadawat nila ang report niadtong adlaw’ng Biyernes maong nagpadala sila og mga laboratory personnel ug samang adlaw dunay gipagawas nga water quality analysis ug nasuta nga taas ang water temperature diha sa Pond A.

Niabot kini og 36 degrees celsius lapas kini sa tolerable limit sa isda nga naa lang sa 30 degrees Celsius.

“Ang cause sa death gyud is high water temperature niya zero ang iyahang dissolved oxygen mao nay makapatay sa isda, ang rason ani mao nato nga taas ang temperature,” asoy ni Piloton.

Gihimug-atan sab sa director ang maong dapit dili haom  sa aqua-culture o pagpamuhi og isda tungod kay wala kini saktong water management.

Kagahapong adlawa nipagawas ang bacteriology sa tubig ug nasuta nga ang bacteria level sa Pond A below normal mao nga ang gikamatyan sa mga isda dili tungod sa bacteria.

Sa water analysis sab nga ilang gihimo taas matud pa ang ammonia sa dapit ug ang gituohang hinungdan mao ang polusyon sa tubig niini.

Giawhag ni Piloton ang mga tawo nga nagpuyo duol sa maong dapit nga dili manguha sa mga isda sa maong lugar.

“Ang mga tawo manguha man gyud na dili man gyud kapugngan, among gikabalak-an basi’g ilang kan-on kadtong nangamatay na, nanglutaw na, dili gyud pwede, bisan kanang buhi pa diha wa ta kahibawo unsay contamination diha,” pasidaan ni Piloton.

Ang Executive Director sa Bantay Dagat Cebu City Ariel Yburan miasoy nga moabot na matod pa sa 600 ngadto sa 700 kilo nga isda diha sa Pond A ang namatay.

Kini miingon nga nagsugod ang maong hitabo Oktubre 3 diin pagka-ugma niini iyang giadto ang lugar ug nakita gyud niya ang daghang mga patay nga mga isda sama sa bangus, tilapia, pansat ug halwan.

“Mga adjacent nga mga balay nanulod na to the extent giguba nila ang gate sa Pond A unya government property baya na. Unya akong gi explain nila nga ayaw mo pag trespass kay file-an mo’g kaso nangguba pa gyud mo, ikaduha kanang isda inyong gikuha makadaot na ninyo labi na katong bloated na bitaw niya baho na gud,” asoy ni Yburan. IBM (BANAT NEWS)

BFAR SOUTH ROAD PROPERTIES
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with