Mga kawani sa Kapitolyo outsource na

CEBU, Philippines — Sugod sa Oktubre 1 private service provider na ang mo-supply og mga personnel sa mga buhatan sa Kapitolyo.

Matud ni Bernard Calderon, hepe sa Provincial General Services Office ug vice chairman sa Bids and Awards Committee (BAC), nga napili nila ang LBP Services Corporation human kini ang nakapasar sa post-qualification sa BAC.

Ang Kapitolyo nanginahanglan og 443 ka medical personnel alang sa 16 ka provincial ug district hospitals samtang 359 ang kinahanglan alang sa non-medical ug clerical personnel. Moabot sa P259 ang budget niini sulod sa usa ka tuig nga kontrata. Ang mga personnel nga ihatag sa maong service provider ang mga engineers, accountant, computer programmer, agricultural technologist, bookkeeper, data controller, sanitation inspector ug uban pa.

Samtang sa medical personnel mao ang nurse, medical specialist, medical officer, medical technologist, nutritionist-dietitian, pharmacist, midwife, dental aide, laboratory aide ug uban pa. Matud ni Calderon nga na-endorso na nila ngadto sa Provincial Board ang resolusyon alang sa pagpili sa LBP Services Corporation isip maoy service provider sa Kapitolyo ug gipaabot nga maaprobahan kini sa regular session sa PB karong adlawa. (Le Phyllis F. Antojado/GMR)

Duha modumala sa Sinulog makalibog

Ang giilang Amahan sa Sinulog sa Sugbo nga si kanhi customs collector David “Kuya Boy” Odilao Jr. nitataw nga libog ang pagmugna sa Sinulog Governing Board.

Si Odilao nipadayag niini human nagkasumpaki ang board nga gimugna ni Cebu City Mayor Edgardo Labella ug ang Sinulog Foundation Inc. (SFI) nga gipangulohan ni Bise Mayor Michael Rama.

Matud ni Odilao nga daw tuyo sa kagamhanan sa Dakbayan sa Sugbo nga maoy modumala sa gimbuhaton sa SFI sa kalihukan sa Sinulog pinaagi sa maong board.

“This controversy would not have happened if both parties would have consulted with me, as the ‘Father of Sinulog’,” matud ni Odilao.

Matud ni Odilao nga nisuway na siya pagduol ni Labella ug Rama apan pakyas.

Ang Sinulog sa Sugbo kalihukan sa Ministry of Youth and Social Development 7 kinsa si Odilao ang regional director niadtong 1980 ug mao sab ang collector of Customs of Cebu International Airport.

Ang unang “Sinulog sa Sugbo gilusad niadtong Enero 19 hangtud 20, 1980 ubos sa MSYD-7 isip coordinating agency inabagan sa Augustinian Community Cofradia del Santo Niño de Cebu, kagamhanan sa siyudad, Association of Regional Executives of National Agencies in Region (ARENA-7) ug Rotary Club of Talisay. Ang SFI gimugna ubos sa sugyot ni Odilao ngadto ni mayor Florentino Solon aron pagpadayun sa tinuig nga Sinulog sa Sugbo.

Gani dihang namugna niadtong Hulyo 25, 1984, ang mga dagku niini mao sila si Solon, Ronald Duterte, Ramonito Durano III, Paterno Luym Sr., Esteban Go Sing King, Francisco Benedicto, Augusto Go, Joseph Gaisano, Lim Liu, Segundo Go, Anos Fonacier, Jose Garcia, Armando Martinez Jr., ug Jose Lardizabal.

“The purpose of the foundation when I proposed it was not to politicized the Sinulog sa Sugbo. Support lang ang city. Mura naman hinoon ang city mao na ang mo-take over mao nang nagubot,” matud ni Odilao. (BANATNEWS)