Duha ka kawani sa CDRRMO nagpositibo sa drug test
CEBU, Philippines – Duha ka mga sakop sa City Disaster Risk Reduction and Management Office (CDRRMO) sa Dakbayan sa Lapu-Lapu ang posible nga matangtang sa ilang trabaho tungod nagpositibo sila sa drug test.
Moabot 45 ka mga kawani sa CCDRMO ang gipaubos sa kinalit nga drug test migawas nga positibo sa gihimo nga kinalit nga drug test ug migawas sa resulta nga posibot ang duha.
Ang pagpahigayon sa drug test gimando ni Mayor Junard Chan aron paglimpyo sa city hall gikan sa mga durugistang kawani sa tinguhang ma-drug free workplace ang maong kagamhanan.
Hinuon aduna pay himuong confirmatory test sa resulta sa duha aron matino kun illegal nga drugas ba gyud ang nakita sa ilang unang drug test.
Matud pa ni Chan kun makompirmar nga positibo gyud sa drug test, kun sila mga job order employees otomatiko gyud silang matangtang sa trabaho.
Kung regular nga kawani sa siyudad, adunay due process nga ilang pagaagian subay sa patakaran sa Civil Service Commission.
Matud sa mayor walay luna sa pangamhanan sa siyudad ang mga durugistang kawani.
“My administration has no place for drug addicts in serving the people,” ni Chan pa sa iyang pamahayag.
Ang dakbayan nag-umol sa City of Lapu-Lapu Office for Office for Substance Abuse Prevention (CLOSAP) nga gipangulohan ni Gary Lao aron maoy magpahigayon og mga drug test sa mga kawani sa siyudad.
Si Lao mao ang kanhi pangulo sa Cebu City Office of Substance Abuse Prevention (COSAP).
Sa miaging bulan sa Agosto niining tuiga gihimo ang kinalit nga drug test sa 200 ka mga kawani sa kagamhanan sa maong dakbayan. (/IBM)(BANAT NEWS)
a
- Latest