Ang nakalas mao si Police Corporal Jobie Antipolo nga giingong nag-AWOL (absence without official leave) sa serbisyo. Samtang ang biktima naila nga si Edwin Velos, head security guard Deca Homes sa maong dapit.
File
Awol nga polis nanulis patay
Camille Pateres (Banat) - August 14, 2019 - 12:00am

CEBU, Philippines — Patay ang usa ka nag-AWOL nga polis nga giingong nisuway pagtulis sa usa ka head security guard nga giingong nagdala og payroll diha sa may Sapphire Street, Sta. Teresita Village, Barangay Tisa ning Dakbayan sa Sugbo kagahapon sa hapon.

Ang nakalas mao si Police Corporal Jobie Antipolo nga giingong nag-AWOL (absence without official leave) sa serbisyo. Samtang ang biktima naila nga si Edwin Velos, head security guard Deca Homes sa maong dapit.

Samtang nakaikyas ang kauban ni Antipolo nga nikuha sa motor sa biktima diin giingong didto sa utility box gibutang ang kwartang pangsweldo sa mga gwardiya.

Sigun pa sa hepe sa Labangon Police Station nga si Police Major Henrix Bancoleta, P500 mil ang kwartang gi-withdraw ni Velos nga gisulod sa U-box sa iyang motorsiklo.

Giingong unang mipabuto ang mga suspek ngadto ni Velos maayo na lang adunay wala mailhing lalaki nga mitabang sa gwardya ug nakigpinusilay kini sa mga suspek.

Misibat ang usa sa wala mailhing suspek sakay sa motorsiklo ni Velos ug gibiyaan si Antipolo.

“Posible nga inside job kay nganong nakahibaw man sila nga nay gidala nga kwarta unya ila pa gyud nga giatangan. Pero ato sa palawman ang investigation,” sigun sa maong hepe.

Matud ni Bancoleta, si Antipolo nadestino kaniadto sa Cebu Provincial Police Office apan giingong nag-AWOL.

Apan si Konsehal Jessie Campos, sa Barangay Tisa nga nakahinabi sa Banat News miingon nga sa ilang pagabot sa nahitaboan nahinabi pa niya og kadiyot si Velos ug kini nibutyag nga ang namatay nga polis maoy nagpusil kaniya.

Mitug-an sab si Velos kang Campos nga giunay sa pagpusil niadtong nakaikyas nga tulisan kadtong namatay nga polis.

Gitug-an ni Campos, posibleng giatangan na ang biktima kay base sa pamahayag sa pipila ka mga habal-habal driver udto pa lang nakit-an na ang maong polis ug laing kauban niini nga adunay gikaestorya matag karon ug unya.

Si Campos, nitug-an ilang susihon ang mga CCTV camera sa ilang lugar aron makatabang kini sa kapulisan aron maila usab ang nakaeskapo nga tulisan. (Rowena D. Capistrano/IBM)(BANATNEWS)

PNP
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with