Kasaulogan sa ika-121 nga Adlaw sa Kaugalingnan
Romeo T. Limpangog (Banat) - June 13, 2019 - 12:00am

CEBU, Philippines — Gihugopan sa mga kawani sa kagamhanan ang Mactan Liberty Shrine sa Brgy. Mactan, Dakbayan sa Lapu-Lapu kagahapon alang sa programa subay sa ika-121 nga Adlaw  sa Kaugalingnan diin gisugdan kini pinaagi sa pagpakayab sa bandila alas otso ang takna sa buntag.

Ang mga gipasiugdahan  nga programa, natigayon pinaagi sa paghan-ay sa National Historical Commission  of the Philippines isip kabahin sa pagahimoon nga pagpangandam sa  ika-500  ka tuig nga nahimong Kristiyanos  ang nasud nga Pilipinhon.

Si  Lapu-Lapu  City outgoing  Mayor ug incoming  Congresswoman  Paz  Radaza  maoy  nangulo niini diin misalmot ang ubang mga opisyales sa dakbayan, mga empleyado sa ubang mga ahensiya sa gobyerno sama sa NAVFORCEN nga maoy mihimo sa flag raising, mga kapitan sa 30 ka barangay sa maong siyudad ug mga residente.

Sa Camp Sergio Osmeña, ang kampo sa Police Regional Office-7 (PRO-7), gipangulohan usab ni regional director Police Brigadier General Debold Sinas ang Binisaya nga istilo sa kasaulogan sa Independence Day uban ang mga uniformed ug non-uniformed personnel.

Matud ni Sinas nga mas nindot nga apilon ang lokal kaysa i-imentenar ang naandang kalihukan sumala sa nadawat nila nga direktiba.

Mensahe ni Sinas ngadto sa iyang mga kaubanan mao ang kay holiday man, i-enjoy kini uban ang pamilya. Dugang niya nga panahon usab kini nga hinuklogan ang ilang mga nahimo ug wala nahimo alang sa kaayohan sa nasud, ngadto sa katawhan ug sa kaugalingon.

Sama sa naandan, nagpalupad sila og 121 ka salampati isip simbolo sa kalinaw, kahapsay ug kaluwasan sa tanang Pilipino.

Ang pagpalupad sa salampati nagtimaan usab sa bug-os nga paghigugma sa nasud. (Rose Carmel De la Cerna ug Jezebel Braulio/DILT)(BANATNEWS)

 

KAUGALINGNAN
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with