Natalio Bacalso underpass buksan sa Hunyo 15
Decemay P. Padilla (Banat) - May 30, 2019 - 12:00am

CEBU, Philippines — Human sa dul-an duha ka tuig nga pag-agwanta sa kahuot sa trapiko sa habagatang bahin sa Dakbayan sa Sugbo, mahuwasan na unya ang publiko kung buksan na ang underpass sa may Natalio Bacalso Avenue  karong Hunyo 15.

Si Department of Public Works and Highways-7 Project Engineer Roy dela Cruz niingon nga ang kontraktor nga mao ang WT Construction, Inc. nagtrabaho na sa minor activities alang sa completion sa proyekto.

“Atong kulang nalang we’re going to paint atong mga curves diha, ato nang i-paint unya ang atong thermoplastic sa center line niya atong sad buhaton niya atong pump room tiwasonon sad. Gamay nalang, minor nalang, ang atong pavement mana gyud,” sigun ni dela Cruz.

Sa niaging semana ang mga trabahante nakakompleto na sa concreting sa pavement hinungdan nga masaligon sila nga ang underpass project mahimong operational karong Hunyo 15 subay sa gipasalig sa kontraktor ug base sa ilang contract time.

Matud ni dela Cruz nga usa kini ka maayong kalambuan nga ang WT Construction Inc. on track sa pagtrabaho diin wala sila’y na-record nga liquidated damages.

Hinoon, sa dili pa ang opisyal nga pagbukas sa bag-ong road infrastructure sa south district, motagana sila og panahon alang sa curing period ug sa final inspection sa pasilidad.

Ang Quality Assurance Unit (QAU) sa DPWH-7 ang mosusi kun ang underpass project na-construct ba o wala base sa design ug ubang related factors.

“Quality Assurance Unit, mao pay mo-check ana for mga minor defects ba, ato pa ipa-correct sa contractor before ta mo-open ana.

Dali rana ilang inspection mga one hour, two hours, ang mga recommendations ana wa paman ta kahibawo. Atong tan-awon ilang recommendation, unsa nga mga defects ang ilang ma-notice niya ang corrective works pa, naa pa nay one week time siguro nga maka-correct ta,” dugang ni dela Cruz.

Kun mahuman na kini, ang DPWH-7 makigkita sa Cebu City Transportation Office (CCTO) aron pagtuki sa posibleng bag-ong traffic scheme sa dapit.

Ang DPWH-7 ug CCTO motakda og schedule alang sa dry run sa dili pa ang mga sakyanan makagamit sa underpass project.

Sigun sab ni dela Cruz nga mopahigayon sila og inaugural ceremony sa underpass nga tambungan sa mga opisyal sa siyudad, DPWH, CCTO ug ubang buhatan.

Niadtong Agosto 2017, ang WT Construction Inc. nagsugod sa konstruksiyon sa P638 million underpass project nga nakaapekto sa traffic flow sa south district.

Ang kahuot sa trapiko motumaw atol sa peak hours gikan sa alas 6 hangtud sa alas 9 sa buntag ug alas 4 sa hapon hangtud sa alas 9 sa gabii. (GMR) (BANAT NEWS)

NATALIO BACALSO AVENUE UNDERPASS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with