Di tinuod … Kining hulagway nga gipadala ni kanhi Special Assistant to the President Christopher “Bong” Go (naa sa hulagway) nagpamatuod nga wala na-confine sa tambalanan ang presidente kagahapon.
Hulagway pinadala ni Bong Go
Duterte wa ma-hospital
(Banat) - May 20, 2019 - 12:00am

CEBU, Philippines — Gihimakak sa tigpamaba sa Malacañang ang mga balita nga nalandig sa tambalanan si Presidente Rodrigo Duterte maong usa ka semana na kining wala igkita sa publiko ug gikwestyon kun lagsik pa kini.

Sa report sa Philstar.com,  niadtong adlaw nga Domingo giingong gidala si Duterte sa Cardinal Santos Medical Center sa San Juan.  Diha gihapon sa maong tambalanan  gipaubos sa endoscopy ang 74-anyos nga presidente sa miaging tuig.

Pipila ka mga post sa social media ang nag-ingon nga gibutang sa code blue alert status ang maong tambalanan u gang parking area niini wala pasudli og laing sakyanan kay matud pa adunay a VIP (very important person) nga gidala diha sa ilang emergency room.

Base sa medical website MedicineNet, ang code blue usa ka matang sa emergency situation nga diin ang pasyente nakasinati og cardiopulmonary arrest o atake sa kasing-kasing nga nagkinahanglan og dinaliang tabang aron kini makabalik sa pagginhawa ug makamata.

Apan ang Malacañang mihimakak nga na-confine sa maong tambalanan ang presidente. Wala sab hinuon maklaro kun niadto ba kini didto aron magpa-checkup.

“There is no truth to the rumor circulating that President Rodrigo Roa Duterte is confined in Cardinal Santos Medical Center in San Juan,” matud pang presidential spokesman Salvador Panelo sa gipagawas niining pamahayag.

Matud niya, ang presidente naa sa iyang pinuy-anan sa Palasyo ug namirma og mga papeles. Gani matud niya, bag-ohay palang niya kining nakahinabi apan wala siya mohimakak o moangkon kun niadto ba kini sa maong tambalanan.

Bisan si Executive Secretary Salvador Medialdea miingon usab nga dili tinuod ang maong nikatap nga report sa social media.(Gikan sa Philstar.com/IBM)

DUTERTE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with