Siyam ka foster parents sa NYD19 apil sa nasunogan
Si Fr. Eddie Boy Vega, usa sa mga parochial vicar sa Cebu Metropolitan Cathedral miingon nga dili gyud taga Tejero kondili gikan sila sa Asturias ug Balamban ang maong mga batan-on.
File
Siyam ka foster parents sa NYD19 apil sa nasunogan
Rowena D.Capistrano (Banat) - April 28, 2019 - 12:00am

CEBU, Philippines — Siyam ka delegado sa National Youth Day nga nia sa Sugbo apil sa naapektahan sa dakong sunog sa Barangay Tejero, ning Dakbayan niadtong Biyernes sa hapon.

Si Fr. Eddie Boy Vega, usa sa mga parochial vicar sa Cebu Metropolitan Cathedral miingon nga dili gyud taga Tejero kondili gikan sila sa Asturias ug Balamban ang maong mga batan-on.

Apan diha sila nagpasilong sa mga buotang pamilya sa Tejero alang sa ilang temporaryong kapuy-an samtang nisalmot sila sa NYD.

Hinuon daghan sab ang naluoy kanila kay nahurot man sab og kasunog ang ilang mga gamit nga ilang gibilin sa mga balay sa nagsagop kanilang pamilya. Ang siyam naa karon sa rectory sa cathedral.

S Fr. Mark Barneso, Chairman sa NY2019 nitug-an nga ilaha karong gisubay kinsa kining mga pamilyang nasunogan nga nipaambit sa ilang balay alang sa siyam ka batan-on aron usab ilang matabangan. Gitahasan na ni Archbishop Jose Palma sa Archdiocese of Cebu ang Caritas Cebu sa maong ginbuhaton.

Sa laing bahin, lima ka mga youth volunteer sa Barangay Tisa ang nadala sa tambalanan tungod sa gituohang nangalanag sa ilang gikan gikan sa usa ka fast food chain.

Gitug-an sa youth coordinator nga si Frankel Gerald Margallo nanihapon  ang lima sa usa ka food chain apan paglabay sa pipila ka oras nagdungandungan sila og pangaluya hinungdan nga gidala sila sa tambalanan.

Ang upat nakagawas na sa tambalanan samtang usa nalang ang nagpabilin didto. (/IBM)(BANATNEWS)

FIRE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with