DNA test sa Silawan case positibo
Camille L. Pateres (Banat) - April 5, 2019 - 12:00am

CEBU, Philippines – Ang National Bureau of Investigation (NBI)-7 nibutyag nga positibo ang gipahigayong DNA test sa napalgang pat-ak sa dugo sa kalo sa suspek ug sa ginikanan sa dalagitang biktima nga si Christine Lee Silawan.

Samtang ang saksi sa Silawan case nireklamong gi-harass sa kampo sa suspek.

Kahinumduman nga niadtong Marso 20, 2019  niabot sa Sugbo ang forensic team sa NBI gikan sa kaulohan aron mokuha og DNA sample gikan sa ginikanan ni Silawan aron maoy gamiton sa pag-cross match sa DNA sa biktima ug sa gituohang dugo nga anaa sa kalo sa dinakpan.

“Positive. Napaka-lakas na ebidensiya nito, this will speak for itself na yung participation ng suspek ay nandiyan. Doctor na magpaliwanag”, matud sa direktor sa maong ahensiya Attorney Tomas Enrile.

Matud usab ni Enrile nga pabor gihapon sila sa pasiunang resulta sa eksaminasyon ni Doctor Benjamin Lara, medico legal sa kapolisan ug Doctor Rene Cam, medico legal sa NBI-7 diin parehong negatibo ang ilang findings nga gilugos si Silawan.

Kahinumduman nga si Doctor Erwin Erfe, sa forensic lab sa Public Attorney’s Office nagkanayon nga base sa iyang eksaminasyon gilugos si Silawan.

Sa laing bahin, nagpa-blotter diha sa Lapu-Lapu City Police Station 2 ang usa sa mga saksi sa maong kaso diin giingong gi-harass sila sa kampo sa suspek.

Base sa blotter, giingong niadtong Marso 31, 2019 sa hapon nikalit lang og sulod sa panimalay sa saksi ang ginikanan sa suspek, abogado sa suspek nga si Attorney Vincent Isles uban ang usa ka miyembro sa media.

Giingong gipugos ang saksi nga ipa-interview sa maong media taliwa sa hangyo niini nga pagawason sa ilang panimalay.

Alang kang Enrile pagpanghadlok sa saksi ang gibuhat sa kampo sa suspek.

Gisuwayan sa Banat News og kuha sa iyang habig si Isles apan wala kini nitubag. (/BDB)(BANAT NEWS)

 

DNA TEST
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with