Kagamhanan sa Lapu-Lapu dili pa mohatag sa pabuya
Camille L. Pateres (Banat) - March 21, 2019 - 12:00am

CEBU, Philippines – Ang lokal nga kagamhanan sa Dakbayan sa Lapu-Lapu dili pa mopagawas sa gisaad niini nga P1 milyon nga pabuya kon dili pa madakpan ang laing duha ka giingong mga suspetsado sa pagpatay ug paglaplap sa nawong sa 16-anyos nga dalagita.

Niining ulahi lang nasikop ug pormal na nga napasakaan og kaso ang 17-anyos nga suspetsado kinsa kanhi uyab sa biktima nga si Christine Lee Silawan.

Si Lapu-Lapu City Mayor Paz Radaza nagkanayon nga kon madakpan na gyud ang tanang suspetsado sa pagpatay kang Silawan una pa lihokon sa Sangguniang Panglungsod ang resolusyon sa pagpagawas sa maong kwarta.

Matud ni Radaza nga kon mogawas na ang maong pabuya, ang National Bureau of Investigation (NBI)-7 mao na ang magbuot kinsa ang hatagan sa maong ganti sanglit sila ang adunay kasayoran sa mga nitabang kanila nga masulbad ang krimen.

Samtang ang direktor sa NBI-7 Attorney Tomas Enrile niklaro nga wala nila gidali-dali sa pagsulbad ang kaso tungod sa pabuya.

“Yong reward na yan, maraming nagsasabi na nagmamadali daw kami dahil sa reward, ang reward po ay di sa amin mapupunta, mapupunta sa mga testigo. Trabaho naman namin yan eh, kahit walang reward magtatrabaho kami”, matud ni Enrile.

Nasayran nga mihimo usab og imbestigasyon ang maong ahensiya bisan og una nang nag-imbestiga ang Lapu-Lapu City Police Office.

Ug dihang nadakpan sa NBI ang 17-anyos nga suspek nibuhi na ang kapolisan sa pagsikop sa laing duha ka kriminal.

Si Enrile niklaro nga wala sila nakigkompetensiya sa kapolisan sa pagsulbad sa maong kaso.

“Ang PNP at NBI ay nagtutulongan at hindi po nagpapaligsahan parehas lang kaming may mandato na mag-imbestiga at kami po ay nagtutulongan, may naitutulong din ang PNP sa atin”, dugang ni Enrile. (Romeo T. Limpangog/BDB)(BANAT NEWS)

 

PABUYA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with