Tag-iya sa piggery misaad di na magyabo og hugaw sa dagat
May Miasco (Banat) - March 2, 2019 - 12:00am

CEBU, Philippines — Gidid-an na nga makayabo sa ilang mga hugaw ang baboyan sa San Fernando  nga bag-ohay lang gironda sa mga otoridad.

Sa pakighinabi sa Banat News, si William Cuñado, regional director sa Environmental Management Bureau (EMB) sa Central Visayas miingon nga ang tag-iya sa baboyan misaad nga motuman sa “zero discharge policy.”

Imbes nga iyabo ang ilang hugaw ngadto sa kadagatan kinahanglan nga ilang i-recycle ang wastewater aron magamit pamisbis sa tanom.

Siya nagkanayon nga sa pagkakaron, ang pig farm gihatagan og duha ka semana aron mapatrabaho ang ilang disposal system gikan sa pag discharge ngadto sa pag recycle.

Si Santiago Tan Chan III, presidente sa Multifarms Agro-Industrial Dev. Corp in Barangay Sangat,mipirma sa iyang panaad sa dihang miatubang kini sa hearing sa EMB-7 office niadtong Biyernes (March 1) sa buntag.

Parte sa one-page nga dokumento, ang tag-iya  mikompirmar sa  mga tahas nga iyang gipanaaad nga ipatuman sa ilang baboyan. Sa unang semana sa Marso (1 to 8), ang pig farm kinahanglan mobayad sa ilang multa nga P14.5 milyones nga gimando sa Pollution Adjudication Board, ug kinahanglan usab magpalit og pumps ug tubo.

Gihatagan sila sa EMB-7 og walo ka adlaw o sugod sa Marso 9 ngadto sa 16 aron ma- install ang pipes. Ubos sa nasabotan, sa dili pa ang Marso 16, ang 20 porsiyento sa ginamit nga tubig sa baboyan kinahanglang adto iyabo sa ilang bakanteng lote ug magmuntar og biogas digester.

Sa dili pa Mayo 1, kinahanglan nahuman na ilang wastewater recycling system ug mosumiter sila og inadlaw nga report ngadto sa EMB7 sugod karong Marso 2. (/IBM)(BANATNEWS)

 

PIGGERY
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with