Gun ban magsugod na

CEBU, Philippines — Gipahibalo sa Commission on Elections ug sa kapolisan nga magsugod na ang election period kaganihang ala-12 sa tungang gabii ug magsugod na usab ang election gun ban.

Ang director sa Police Regional Office -7 mihagit sa tanang police stations sa Central Visayas nga gantihan kadtong makauna og sakmit og armas karong adlawa.

"I told our people nga during sa implementation, implement it properly. Kadtong unang maka-recover og firearms naay premyo," si PRO-7 director  Chief Supt. Debold Sinas. Ang maong gun ban molanat pa hangtud sa Hunyo 12.  Si Cebu City Police Office director Royima Garma nanawagan sa mga politiko nga i-surrender ang ilang mga armas sa kinaduolan nga police station.

Matud pa ni Garma duna silay listahan sa mga politiko nga dunay rehistradong mga armas, padad-an sila og notisya nga i-surrender kini may lisensya man o wala.

Gipahinumdoman niya ang mga politiko nga magmatngon gyud sa expiry dates sa ilang mga armas tungod kay basin maapil sila sa Oplan Katok, ang kampanya sa  PNP batok sa loose firearms nga pangusgan karong election period.

Gipasalig niya nga kadtong mga armas nga i-deposito kanila ampingan nila kini paghipos hangtud Hunyo 12.

“They claim to be responsible gun owners then let’s prove it. Do not wait for the PNP to send notice o kumatok,” hagit pang Garma.

Base sa COMELEC Resolution No. 10197, ang pagbaton og armas “strictly prohibited” sugod Enero 13.

“Only regular members of the PNP, AFP and other law enforcement agencies of the government who are duly deputized in writing by the Commission for elections duty, may be authorized to carry and possess firearms during the election period,” matud pa sa resolusyon.

Ang makalapas niini makasohan og paglapas sa Republic Act 10591 o comprehensive law on firearms and ammunition ug paglapas sa election gun ban.(Camille Pateres/IBM)(BANATNEWS)