Stallone positibo MayPac 'rematch' mahitabo gyud
CEBU, Philippines – Positibo si Sylvester Stallone nga dawaton ni Floyd Mayweather Jr. ang hagit nga 'rematch' ni Manny Pacquiao sa umaabot nga panahon.
Mao kini ang reaksiyon ni Stallone sa komento ni Pacquiao human sa kadaogan niini batok ni Lucas Matthysse niadtong Hulyo 15 didto sa Axiata Arena sa Kuala Lumpur, Malaysia.
Sa maong higayon, si Pacquiao mipatapsing og hagit ni Mayweather nga magsangka sila og balik ibabaw sa ring.
"Mayweather? If he decides to go back to boxing then that is the time we are going to call the shots. I have the belt, so it's up to him. If he wants to come back in boxing let's do a second one," matud pa ni Pacquiao.
Si Pacquiao gipilde ni Mayweather pinaagi sa desisyon sa labing dako nga away sa kasaysayan sa boksing, apan naputos og pagsaway gumikan sa kakulang niini og aksiyon niadtong Mayo 3, 2015 didto sa Las Vegas.
- Latest