P164 milyones SB giaprobahan sa PB
CEBU, Philippines — Giaprobahan kaga-hapon sa hapon atol sa gipahigayong session sa hunta probinsiyal ang P164 milyones nga supplemental budget.
Ug gilauman nga ang mga kawani sa Kapitolyo karong umaabot adlaw nga Biyernes makadawat na kini sa ilang tag P15 mil nga incentive sanglit ang mao nilang incentive lakip man sa maong supplemental budget.
Giingong ang P25 milyones sa maong budget igahin kini alang sa Program on Awards and Incentives for Service Excellence (PRAISE) incentives sa mga kawani human nga nakadawat ang probinsiya og mga pasidungog.
Ang gibasehan sa paghatag og incentives sa mga empleyado mao ang ikatulo nga Seal of Good Local Governance (SGLG) award gikan sa Department of Interior and Local Government (DILG); ang nakuha nga KALASAG Award sa Provincial Disaster Risk Reduction and Management Office gikan sa National Disaster Risk Reduction Management Council (NDRRMC) ug ang bag-ohay pa lang nga nakuha nga bronze award sa Human Resource Department gikan sa Civil Service Commission (CSC).
Ubos usab sa maong supplemental budget pipila sa naapil niini ang additional nga pundo nga subsidy sa tulo ka Local Government Units nga niabot ngadto sa P40 milyones, renovation sa social hall nga niabot sa P11 milyones.
Apil usab niini ang P19 milyones alang sa mga provincial ug district hospital ug pundo alang sa engineering ug general services. (BANAT NEWS)
- Latest
