CEBU, Philippines – Nalusno ang usa ka bahin sa pribadong subdivision sa Barangay Banilad, dakbayan sa Sugbo kagahapon sa kaadlawon, apan walay kinabuhi nga nakalas.
Abtik kaayo nga miresponde ang mga rescuers sa Cebu City Disaster Risk Reduction Management Office (CDRRMO) nga gipangulohan ni Nagiel Bañacia human nadawat nila ang report mga alas 2:45 sa kadlawon.
Ang riprap gitukod aron mapugngan ang landslide sanglit duna may kabalayan sa ibabaw nga bahin sa subdivision.
Ang pangulo sa OBO nga si Engineer Josefa Ylanan miingon nga nagpadala na siya og mga engineer nga mosusi sa maong dapit apan wala pa siya makadawat kon unsa’y ilang report ug rekomendasyon. (/RUB)(BANAT NEWS)