CEBU, Philippines — Mopahigayon og operasyon ang hiniusang pwersa sa kagamhanan sa Dakbayan sa Talisay sa pag-rescue sa mga batang libud-suroy.
Kini human bag-o lang nahuman ug giinugurahan ang pasilidad alang sa mga batang libud-suroy ug sa mga giabuso nga kababayen-an ug mga bata.
Si Felipa Solana, pangulo sa City Social Welfare and Development (CSWD), nagkanayon nga ila unang tigumon ang ilang mga sakop sa maong plano aron mahipos ang mga bata nga naa sa kadalanan nga nabutang sa peligro.
Ang Youth Home nahimutang sa Barangay Maghaway nga adunay gidak-on nga 40-metro kwadrado.
Nigahin ang Department of Social Welfare and Development og P2.2 milyones alang sa katukuran sa pasilidad ug gipun-an kini sa siyudad og P2.5 milyones. (BANAT NEWS)