CEBU, Philippines - Nawad-an sa iyang kinitaan sa pagpamasahero ang usa ka taxi driver nga gitulis alas 4 pasado sa niaging kadlawon sa Soong, Mactan, Dakbayan sa Lapu-Lapu.
Giila ang biktima nga si Rex Condia, 45, taga Tunghaan, Minglanila ug drayber sa Tiger Taxi, kinsa nakuhaan sa iyang kita nga P1,400 ug cellphone.
Giingong gisakyan si Condia sa nag-inusarang pasahero gikan sa Barangay Basak sa maong dakbayan ug nagpahatud sa Maribago apan pag-abot sa sudlonon nga bahin nibunot sa wala matino nga kalibre sa armas ang pasahero ug nideklarar og tulis. (BANAT NEWS)