CEBU, Philippines - Gitulis ang usa ka dalaga samtang naghuwat og kasakyan sa may Lower Barangay Mohon, dakbayan sa Talisay niadtong Domingo sa kadlawon.
Ang biktima nga si Lorna Lynn Florita Aro, taga Garnet St. Monterey Homes Subdivision, nidangop sa kapolisan.
Nasayran nga sayong nigawas sa ilang panimay ang biktima ug naglakaw samtang nangita og kasakyan. Apan duha ka lalaki nga nagsakay og itom nga motorsiklo ang nihunong sa iyang atubangan ug nimando nga ihatag ang iyang bag.
Sa iyang kakurat, nikaging kini ug gigakos siya sa backrider dayon ti-on og kutsilyo sa iyang tiyan. Tungod niini, wala na lang siya naglangas ug nihatag sa iyang bag nga adunay sulod nga mga butang nga mokantidad og P19, 500 mil.
Nisibat ang duha ka lalaki ug gibiyaan ang biktima. Padayon pa nga gifollow-up sa kapolisan ang hitabo. (BANAT NEWS)