Search, rescue equipment gi-imbentaryo

CEBU, Philippines - Gi-imbentaryo kaga-hapong adlawa sa kapolisan sa Dakbayan sa Sugbo ang mga gamit alang sa Search and Rescue (SAR) Operation.

Ang pag-imbentaryo gipangulohan ni Senior Supt. Joel Doria, director sa Cebu City Police Office, sa hawanan sa South Road Properties.

Gipakita kagahapon ang mga gamit sama sa power cutter, ladders, drill bit, generator sets, vests, helmets, fire extinguishers, flat boats, chainsaws ug uban pa.

Matud ni Doria nga mismo ang direktor sa Police Regional Office-7, Chief Supt. Noli Taliño, ang nimando sa imbentaryo sa mga gamit sa SAR isip pagpangandam sa bisan unsa nga panghitabo.

Gipasabot ni Doria nga ang ilang gihimo dili sa bagyong Lawin kun dili aron masubay nila ang gamit sa ilang buhatan.

Sa pagkakaron dunay 60 ka polis sa CCPO ang nabansay na sa paghimo sa SAR ug wala pay labot sa mga volunteers.

Plano karon ni Doria nga mohimo og simultaneous exercises sa mga sakop sa SAR Team aron hingpit pa nga mabansay ang ilang abilidad. (BANAT NEWS)