Bidding sa Kasadya sa SRP gihimo
Decemay P. Padilla (Banat) - October 20, 2016 - 12:00am

CEBU, Philippines - Gilauman nga mokita unya og P2.6 milyones ang kagamhanan sa siyudad sa Sugbo nunot sa pagpahigayon sa Kasadya sa SRP.

Sugdan ang maong carnival gikan sa buwan sa Disyembre hangtod sa buwan sa Pebrero sunod tuig.

Matud ni Administrator Veronica Morelos kinsa maoy Vice Chairperson sa Bids and Awards Committee for Goods, gimanduan siya ni Mayor Tomas Osmeña sa pagpahigayon og bidding sa maong kalihukan.

Gitataw ni Morelos nga mao kini ang labing unang higayon nga ang Kasadya sa SRP niagi og bidding, gani tulo unta ka operators ang nipadayag sa ilang interes nga moapil sa bidding apan tungod sa kakuwang sa oras usa na lang ang nipadayon. Kini mao ang Three Z Carnival nga nagbase sa Zamboanga City nga gipaubos na sa siyudad og post-evaluation.

Gihimug-atan ni Morelos, pipila sa ilang ikonsiderar sa pagpili og operator sa Kasadya sa SRP mao ang mga dokumento nga isumetir, track record ug lakip na ang kaseguraduhan sa seguridad ug kaluwasan sa publiko nga mosakay sa ilang rides.

Dugang niya, adunay garantiya nga mokita ang siyudad og P2.6 milyones alang sa tibuok kalihukan kay base sa kontrata, ang winning bidder mobayad og amusement tax nga nagkantidad og P2 milyones.

Gipasalig sab ni Morelos nga walay mga kausaban nga ipatuman sa Kasadya sa SRP nga gisugdan sa niaging administrasyon diin adto gihapon kini ipahiluna sa Sugbo Grounds. (BANAT NEWS)

BIDDING
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with