^

Sanitary landfill sa probinsya gitinguha

Louella Desiderio (Banat) - June 6, 2016 - 12:00am

CEBU, Philippines - Buhion pagbalik sa kagamhanan sa lalawigan sa Sugbo ang pagbutang og sanitary landfill sa lungsod sa Carmen sa habagatang bahin sa Sugbo.

Ang Kapitolyo sa miaging administrasyon nagpalit kini og 17 ka ektarya sa yuta diha sa Brgy.  Dawis Sur nga giplanohang himuong landfill sa mga basura.

Matud ni Atty. Chad Estella ang kanhi  hepe sa Provincial  Environment  and Natural Resources  (PENRO) nga gigahinan og P5 milyones sa PENRO karong tuiga ang pag- clearing  sa lugar.

Si Gob.  Hilario Davide III nagkanayon kinahanglan kini kaayo karon tungod kay wala pay kaugalingong landfill ang lalawigan.

"Wala gyud ang Province. Ang sa south mangita ta og pwesto o lugar ato nang tan-won kay ang DENR has been telling us na wala gyud mo, kulang gyud mo place to dump your solid waste," matud ni Davide.

Gitan-aw usab sa gobernador ang posibilidad nga ipaubos sa Public-Private Partnership ang landfill project.

Wa madayon ang pagbutang og landfill sa Carmen human nibabag ang mga opisyal sa lugar tungod sa kahadlok sa posibleng magdala kini  og problema sa panglawas ug kinaiyahan.

"We want also to ensure nga ang environment limpyo, ang mga tawo luwas sa mga diseases kay daghan gud na mga maglaray nga basura gud," saad ni Davide.

Base sa rekord sa PENRO , unom lang sa 51 ka mga lungsod ug dakbayan sa Sugbo ang adunay gi-operate nga landfill. Sa laing bahin, duha ka barangay sa Dakbayan sa Talisay ang nanginahanglan karon og dugang garbage trucks tungod sa matud pa nagkadaghan na nga basura sa ilang lugar.

Si Association of Barangay Council (ABC) president Raul Cabañero niduso og resolusyon sa paghangyo ni Mayor Johnny de los Reyes nga gahinan sila og budget alang sa pagpalit og duha ka garbage trucks alang sa Bulacao ug sa Lawaan I.

Si Cabañero nihulagway nga nagkadaghan na ang basura sa maong mga barangay tungod kay nagkadaghan ang mga namuyo nga tawo. Le Phyllis Antojado ug Gabriel Bonjoc (BANAT NEWS)

BAYAN TELECOMMUNICATIONS INC GLOBE TELECOM INCORPORATED
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with