Cris Saavedra wa tagda ni Davide
CEBU, Philippines – Wala tagda ni Gobernador Hilario Davide III ang awhag sa whistleblower nga si Crisologo Saavedra nga ipatangtang ang banner sa Cebu International Convention Center nga may marka nga “Never Again”. Si Davide nagkanayon nga iya’ng tun-an ang pagpatangtang sa banner nga alang kaniya nagpahinumdum sa katawhan sa giingong anomaloso’ng pagtukod sa CICC panahon ni kanhi gobernador Gwendolyn Garcia.
Si Saavedra nibahad nga mopasaka og kaso batok sa grupo nga nibitay sa banner sanglit ang istraktura sa gobiyerno dili angayan nga gamiton sa political propaganda.
Apan si Davide niingon nga si Saavedra adunay katungod kung buot siya’ng mopasaka og kaso. Gipasabot ni Saavedra nga ang banner dili makaayo tungod kay sama sa nag-project kini nga ang mga Sugboanon “corrupt”. Si Saavedra ang nipasaka sa kaso batok ni Garcia. – /GMR) (BANAT NEWS)
- Latest