31 bata kada adlaw ang na-bully––Gullas
(Banat) - September 27, 2015 - 10:00am

CEBU, Philippines – Mokabat sa 31 ka mga tinun-an sa mga public ug private schools sa nasud ang gikatahong biktima sa “bullying” sud sa ilang mga eskuylahan kada adlaw sumala pa ni Cebu 1st District Rep. Gerald Anthony Gullas Jr. base sa gihimong pagtuon sa tuig 2014.

“A total of 6,363 cases of bullying in public as well as private elementary and high schools were recorded in 2014, up nearly 21 percent versus the 5,236 documented in 2013,” sumala pa ni Gullas, sakop sa  member of the House committee on basic education sa report sa Interakasyon.Com.

Ang maong report gibase ni Gullas sa hiniusang report nga gipresentar diha sa Kongreso atol sa pagtuki sa 2016 budget alang sa Department of Education (DepEd). Nasayran nga ang DepEd gimandoan sa pagduso og tinuig nga report kabahin sa bullying ug child abuse cases sud sa mga nagkadaiyang eskuylahan.

Si Gullas nagtuo nga usa sa hinungdan nganong daghang mga biktima ang nagpakahilom ug wala na mopasaka og pormal nga reklamo gumikan kini sa kahadlok nga panimaslan ang ilang mga anak.

Giawhag niya karon ang mga tagdumala sa mga eskuylahan nga hingusgan ang ilang child protection committees (CPCs) sa tagsa-tagsa nila ka mga tunghaan.

“We are not sure if all schools have already activated their CPCs, which are supposed to deal with cases of bullying as well as child abuse (in school),” pagklaro pa ni Gullas, ug misugyot nga kinahanglang adunay daghang bansayong mga magtutudlo ang DepEd alang sa proteksyon sa kabataan.

Kahinumdoman nga ang DepEd nipagawas og kamandoan niadtong Mayo 14, 2012 nga ang tanang mga eskuylahan kinahanglang adunay tukorong CPCs ug higpit nga iimplimentar ang Policy and Guidelines on Protecting Children in School from Abuse, Violence, Exploitation, Discrimination, Bullying and Other Forms of Abuse. Ang CPC langkoban sa school principal isip tsirman; guidance counselor/teacher isip vice chairperson; usa ka representante sa faculty;  usa ka representante sa Parents-Teachers Association; usa ka representante sa estudyante nga gipili sa Supreme Student Council;  ug usa ka representante sa barangay nga gitudlo sa barangay kapitan.

Hinuon kun itandi ang gidaghanon sa nabiktima sa bullying sa tuig 2014 ug sa 2013, mas nikunhod ang mga natala nga kaso niini sa niaging tuig. Sa 2013 nakadawat og reklamo ang DepEd nga 999 ka kaso apan sa 2014 228 na lang.

Ang Pilipinas adunay balaod nga Anti-Bullying Law of 2013, o mas naila nga Republic Act 10627 nga nagmando sa mga eskuylahan pag-report ngadto sa kapolisan kun ang klase sa bullying nasakop ba sa Revised Penal Code aron pasakaan og kasong kriminal ang sad-an. (Gikan sa Wires/EIM)

ANG ANG PILIPINAS ANTI-BULLYING LAW BULLYING BULLYING AND OTHER FORMS OF ABUSE DEPARTMENT OF EDUCATION DISTRICT REP GERALD ANTHONY GULLAS JR. GULLAS MGA NGA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with