CEBU, Philippines - Nakaangkon og development permit kadto’ng developer sa subdivision nga nidahili ang riprap nga nakaingon sa kamatayon sa usa ka 13-anyos diha’ng natabonan ang ila’ng panimaye sa Tawason, dakbayan sa Mandaue human nakaduso sa tanang dokumento nga naglakip sa environmental compliance certificate.
Kini ang gibutyag ni Mandaue City Legal Officer Jovannie Tianero human usab sa gihimo’ng pakisusi sa investigating team.
Matud ni Tianero nga ang mao’ng kasayuran sukwahi sa pamahayag sa Department of Environment and Natural Resources 7.
Apan giklaro sa DENR-7 ang developer wala nakaduso sa ila’ng engineering, geological and geo-hazard assessment (EGGA) report sa ila’ng buhatan ug ang EGGA mao’y gikinahanglan alang sa pagluwat og ECC. (BANAT NEWS)