CEBU, Philippines - Nihangyo ang Sun Valley Homeowners Association sa Cebu City Police Office og kapolisan nga ibutang sulod sa subdivision.
Kini nunot sa daghang sakyanan nga mosulod sa subdivision ug pagsanta sa ilegal nga drugas.
Ang pangulo sa SVHA, Atty. Reynoso Belarmino ang nihangyo kang Mayor Michael Rama sa pagpadangat sa ila’ng hangyo ngadto sa hepe sa San Nicolas Police Station.
Buot usab sa asosasyon nga patas-an pa ang oras sa pagpatrolya sa mao’ng dapit.
Matud sa pangulo sa Cebu City Anti-Drug Abuse Council, Atty. Clarence Paul Oaminal, nga ang barangay Calamba usa sa most highly affected sa ilegal nga drugas sa dakbayan diin kasikbit niini ang dalan A. Lopez nga naghitak usab ang tiggamitan sa ilegal nga drugas. (Sheriza Mae R. Uy/GMR)(BANAT NEWS)