Bag-ong uniporme sa CCTO paampingan

CEBU, Philippines – Gihagit ni Mayor Michael Rama ang mga traffic enforcers nga gamiton sa sakto nga serbisyo ang pagsul-ob sa bag-o’ng uniporme sa Cebu City Transportation Office.

Matud ni Rama nga tarungon ang serbisyo ug likayan ang mga reklamo.

“Defend your uniform, dili mangawat, dili mangilkil, dili palaaway, intregero,” matud ni Rama

Tinguha ni Rama nga mamahimo nga labi’ng maayo nga mga traffic enforcers sa dakbayan sa Sugbo.

Gisugdan ang pagsul-ob sa bag-ong uniporme sa CCTO niadto’ng  miaging semana nga aduna’y kolor nga neon green diin gituyo aron makita dayun sa mga motorista ilabi na sa kagabhion. – /GMR) (BANAT NEWS)