CEBU, Philippines – Gipasidunggan sa Camp Crame ang kagamhanan sa probinsiya sa Sugbo tungod sa kampanya batok sa ilegal nga panagat.
Ang kalihukan gipahigayun sa Regional Management Unit (RMU) sa PNP Maritime Police sa Pusok, dakbayan sa Lapu-Lapu atol sa ika-114 nga anibersaryo sa Philippine National Police.
Ang pangulo sa Provincial Disaster Risk Reduction Management Office (PDRRMO), Baltazar Tribunalo kinsa mao’y nidawat sa “plaque of merit,” nagkanayun nga ang pasidungog sa nilabay’ng tuig pa nga operasyon batok sa ilegal nga panagat.
Si Chief PNP Ricardo Marquez ang nipirma sa plake.
Si Tribunalo nagkanayun nga ang kanhi hepe sa Anti-Illegal Fishing Task Force sa probinsiya nga si Loy Anthony Madrigal nakatabang sa mga operasyon kaniadto.
Matud ni Tribunalo nga hangtud karon ang probinsiya padayun sa kampanya.
Ang PDRRMO lakip sa buhatan sa probinsiya nga nalambigit sa kampaniya batok sa ilegal nga panagat.
Dugang ni Tribunalo nga nalipay sila tungod kay ang ila’ng kalihukan sa probinsiya batok sa ilegal nga panagat naila ngadto sa nasudno’ng gobiyerno. – /GMR) (BANAT NEWS)