CEBU, Philippines - Gipaabot ang pagmahal sa presyo sa mga buwak labi na ang rose tungod sa nagsingabot nga Valentine’s Day.
Si Mary Glodove, 53, taga Siroa, Cebu City, niingon nga sa kapin sa 40 ka tuig na niya nga namaligya og buwak, sagad nga mosaka ang presyo usa ka semana sa dili pa ang maong adlaw.
Sagad sa mga buwak nga momahal ang red rose ug ang gladiolus.
Si Analisa Roble, taga Bonbon, Cebu City, kinsa dugay na sab namaligya og buwak nidason nga mosaka gyud ang presyo sa buwak karong higayuna.
Human sa piyesta ni Senior Santo Niño, nitibugsok ang presyo sa buwak.
Malaumon ang mga negosyante nga mobalik ka kusog ang ilang halin sanglit sagad sa adlaw sa gugma buwak gyud ang iregalo ngadto sa mga babaye.
Ang usa ka bouquet mobalor og P800 ngadto sa P1,200 samtang may mapalit sab sa dinosena. (BANAT NEWS)