^

Tindahan sulod sa kampo walay nagbantay

Jojo C. Ugdol/RUB (Banat) - January 22, 2015 - 12:00am

CEBU, Philippines - Duna karo’y coffee shop sulod sa Cebu Provincial Police Office (CPPO) nga walay tindera nga nagbantay ug ang mga customers gilauman nga dili manikas ug mobayad g’yud sa ilang imnon nga kape ug ubang makaon.

Si CPPO director Noel Gillamac mipasabot nga ang gimugna nila nga “honesty store” duna’y pangalan nga Noy Honesto Coffee Shop nga gisundog kini sa usa ka tindahan didto sa Batanes Islands sa amihanang Luzon.

Ang Noy Honesto Coffee Shop nahimutang inigsulod g’yud sa CPPO. Kun mopalit ka sa mga baligya ug nagkinahanglan ka og sukli sa imong kuwarta ikaw ra ‘sab ang mokuha gikan sa kuwarta nga anaa ra sa lamesa.

Matud ni Gillamac nga ang ilang gihimo usa ka eksperemento ug ang kalampusan niini makuha gikan sa mga kustomer sa maong tindahan nga kasagaran mga polis ra ‘sab nga mopakita sa ilang pagkamatarong ug dili mopahimulos sa higayon.

Ang maong tindahan duna’y baligya nga candies, noodles, pan nga gihimo sa mga piniriso sa Cebu Provincial Detention and Rehabilitation Center, coffee ug uban pa nga mga baligya.

Si Gillamac mipasabot nga ang tumong nila sa maong programa mao ang pagsilsil sa alimpatakan sa mga polis nga sila mahimong matinud-anon ug dili mopahimulos sa panahon.

Karon pa lang duna na’y plano si Gillamac nga mabutangan og mga ceiling fans ang maong lugar ug plano ‘sab nila nga mabutangan og libreng Wifi sa lugar uban ang pakig-alayon sa Department of Science and Technology (DOST). Nagplano na usab si Gillamac nga ang maong ideya sa negosyo iyang i-rekomendar ngadto na sa Campo Crame aron sa posibidad nga kini sab mapatuman sa uban pa nga buhatan sa kapulisan sa tibuok nasud. (BANAT NEWS)

ANG NOY HONESTO COFFEE SHOP BATANES ISLANDS CAMPO CRAME CEBU PROVINCIAL DETENTION AND REHABILITATION CENTER CEBU PROVINCIAL POLICE OFFICE DEPARTMENT OF SCIENCE AND TECHNOLOGY GILLAMAC
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with