CEBU, Philippines - Napalgan ang kalabira sa ulo sa tawo daplin sa sapa sa barangay Cambang-og, dakbayan sa Toledo sa nakalabay’ng adlaw.
Usa ka Janice Aris, estudyante ug residente sa maong dapit, ang nakakita sa kalabira ug dali nga nitaho sa iyang kabanay kinsa mao sab ang nisumbong sa kapolisan.
Usa ka Mauricio Sepada Sr. nga nagpuyo sa maong dapit ang nikonpirmar nga sa iyang anak nga si Mauricio Jr. kinsa nawagtang niadtong 2010 ang sweatshirt nga nakit-an sa duol sa kalabira.
Hinungdan nga daku ang pagtuo ni Mauricio Sr, nga ang kalabira iya sa iyang anak.
Giimbestigar pa sa kapolisan ang insidente samtang gikustodiya ang maong kalabira. (Raymond Abarcas/GMR)(BANAT NEWS)