CEBU, Philippines - Gipusil sa wala mailhing tawo ang tricycle driver sa Purok Kalabasa, Gun-ob, dakbayan sa Lapu-Lapu alas 8:50 niadtong Martes sa gabii.
Matud ni PO2 Jerson Alparito sa Lapu-Lapu City Police Office-Homicide Section nga ang biktima nga si Reymund Amistad, 46-anyos, taga sitio Iba, Basak ang padulong pauli dihang nahitabo ang pagpamusil.
Duha ka lalaki ang kalit mitunga sa hayag nga dapit ug gipusil si Amistad. Nakaangkon og samad pinusilan si Amistad sa iyang dughan ug daling gidala sa tambalanan. (BANAT NEWS)