Namaligya swertres gidakop
CEBU, Philippines - Gidakop sa kapolisan ang usa ka batan-ong lalaki nga nangisyu og masiao nga suwertres sulod sa outlet niini sa sitio Sta. Cruz, Guizo, dakbayan sa Mandaue niadtong Sabado sa hapon sa kinalit nga ronda nga ilang gihimo.
Si PO1 Jerome Lendio sa Presinto 1 sa Mandaue City Police Office (MCPO) miila sa nadakpan nga si Mark Dave Fernandez, 22, nagpuyo sa maong lugar.
Nunot sa pagkasikop kang Fernandez, nasakmit ang usa ka computer machine, laptop, calculator ug salapi nga nagkantidad og P180. Matud ni Lendio nga nakadawat na sila og mga taho labot sa pagbalik sa maong ilegal nga kalihukan sa pipila ka barangay sa dakbayan nga gipasiugdahan sa wala pa mailhi nga masiao operator.
Ang grupo ni PO1 Nicanor Perolina daling niresponde sa tawag gikan sa usa ka concern citizen labot sa ilegal nga suwertres sa lugar hinungdan sa pagkasikop ni Fernandez. (BANAT NEWS)
- Latest
