CEBU, Philippines - Ang kadagkoan sa Department of Environment and Natural Resources (DENR) 7 niangkon nga namiligro na karon ang mga migratory birds sa Olango Island sa dakbayan sa Lapu-Lapu.
Kini tungod kay nagkadaghan na ang mga bird hunters nga buot mopusil, modakop ug mobaligya sa nahisgutang langyaw nga mga langgam nga anaa sulod sa 1,028-hectare nga Olango Island Wildlife Sanctuary (OIWS) sa Lapu-Lapu City.
Subay niini, si DENR 7 Regional Executive Director Isabelo Montejo miawhag sa publiko nga protehean ang mga migratory birds gikan sa pagpamaligya, hunting ug pagpatay. Gipadayag ni Montejo ang kabalaka dungan sa pagsaulog sa World Migratory Bird Day (WMBD) kagahapong adlawa ubos sa tema “Destination flyways migratory birds and tourism.â€
Matud ni Montejo nga sa 97 ka lainlaing mga langgam diha sa bird sanctuary sa Olango, 48 niini ang migratory species samtang ang uban mga resident birds sa naasoy nga isla nga nanginahanglang protektahan ug atimanon.
Apil sa mga langgam mao ang Chinese Egret, Little Egret, Little Heron, Grey Plover, Kentish Plover, Greater Sand-Plover, Far Eastern Curlew, Eurasian Curlew, Whimbrel, Bar-tailed Godwit, Common Redshank, Common Greenshank, Common Sandpiper, Terek Sandpiper, Grey-tailed Tattler.
Laing matang mga langgam mao ang Ruddy Turnstone, Asian Dowitcher, Great Knot, Rufous-necked Stint, Curlew Sandpiper, Gull-billed Tern, Whiskered Tern, Common Kingfisher, White-collared Kingfisher, Barn Swa llor, Pacific Swallor, Yellow-vented Bulbul, Golden-bellied Flyeater, Pied Fantail, Brown Shrike ug Olive-backed Sunbird. (BANAT NEWS)