CEBU, Philippines - Nalumos patay ang usa ka trainee sa Maritime Police atol sa pagpangaligo niini ilawom sa tulay sa milabay’ng hapon.
Ang biktima mao si Edizon Gonzales Diaz, 27, taga Quezon Arevalo, Ilo-Ilo City ug kasamtangan nagpuyo sa bunk house sa PNP Maritime Headquarters.
Base sa pasiunang imbestigasyon ni PO3 Lydo Pinos si Diaz uban sa iyang mga kaubang trainee nga sila si Yasser Sausa ug David Mumbai nangaligo sila sa ilawom sa Marcelo Fernan Bridge. Nakurat na lang sila nga nitidlom si Diaz ug wala na igkita pa.
Gisusi karon sa kapolisan ang kuha sa footage sa CCTV camera sa maong taytayan. Hapon na dihang milutaw ang lawas ni Diaz apan wala na kini kinabuhi. Si Diaz ug mga kaubanan mga bag-ong aplikante sa PNP Maritime police. (BANAT NEWS)