CEBU, Philippines - Pangulo sa Cordova Rescue Emergency Action and Traffic Enforcement (CREATE) ang gipusil patay sa nagsakay motorsiklo nga mga lalaki alas-5 pasado ang takna kagahapon sa buntag.
Ang biktima mao si Ruel Osias Taneo, nagpuyo sa barangay Bangbang sa nahisgutang lungsod.
Si SPO1 Henry Amores sa kapolisan sa maong lungsod nga nahinabi sa Banat News miingon nga nag-jogging ang biktima dihang gibanhigan sa duha ka lalaking nagmotor.
Samtang si SPO1 Larry Wagwag sa kapolisan sa maong lungsod nga nahinabi sa Banat News miingon nga ilang gisubay ang posibilidad nga may kalambigitan sa trabaho sa biktima isip hepe sa traffic enforcement sa lungsod ang motibo sa pagpatay.
Nasayran nga daghang gipangdakop nga mga drayber sa traysikol sa miaging mga adlaw ang biktima. (BANAT NEWS)